RSS

தனி ஒரு அன்றில்

14 Feb

ஆப்பிள் மூலம் ஆதாம் ஏவாள் ஆரம்பித்த காதல் எனக்கோ இப்போது ‘ச்சீ ச்சீ இந்தப் பழம் புளிக்கும்’ என்றாகிவிட்டது. காதலர்களின் செல்ஃபோன் சிணுங்கல்களைக் கேட்டாலோ பார்த்தாலோ சிக்கு புக்கு ரயில் பாட்டில் பிரபு தேவாவின் காதில் வருவதுபோல் புகைதான் வருகிறது.பொது இடங்களில் கட்டிக்கொண்டு  செல்லும்  காதலர்களைப் பார்த்தல் மௌனம் பேசியதே சூர்யா போல் நன்கு சாத்தலாம் போல் ஆகிறது. ‘காதல் என்ற ஒற்றை வார்த்தைதான் மனிதனை இயக்குகிறது’, ‘உலகெல்லாம் ஒரு சொல்; ஒரு சொல்லில் உலகம் – காதல்’, ‘நம் காதலை இந்த உலகமே தடுத்தாலும், அந்த ஆண்டவனே நினைத்தாலும் பிரிக்க முடியாது’, இப்படியெல்லாம் சினிமா வசனங்களை டிவியில் கேட்டால் கடுப்பாகி அணைத்து விடுகிறேன். இத்தனைக்கும் அப்படி ஒன்றும் வயதாகிவிடவில்லை!  ஆனால் இதே வசனங்களை (இதைவிட சில மொக்கையான வசனங்களைக்கூட) ஒரு காலத்தில் உருகி உருகி ரசித்திருக்கிறேன்.

என் பதின்ம வயதின் ஆரம்பத்தில் காதல் என்றாலே பள்ளியில் கெட்ட வார்த்தை, A Taboo (நல்ல வேளையாக வீட்டில் இல்லை) . அப்புறம் எங்கிருந்து காதலர் தினம்? பெரும்பாலும் சீருடைகளில் கழியும் காதலர் தினங்கள், ஒரு முறை சனிக்கிழமை வந்தது. சனிக்கிழமை கலர் ட்ரெஸ். ஒவ்வொரு வருடமும் காதலர் தினத்திற்கு ஒரு Colour Code இருக்கும். அந்த வருடம் என் Favorite Colour வயலெட். அந்தக் கலரில் என்னிடம் சட்டை எதுவும் இல்லாததால் நான் வேறு கலர் சட்டை அணிந்து சென்றேன். ஆனால் வயலெட் & வெள்ளை சுடிதார் அணிந்து வந்த ஒரு சொர்க்கத்திடம் மனம் சென்றது. பள்ளிக் காலத்தின் சிறந்த தருணங்கள் அவளை எண்ணியே கழிந்தன. காதல் பாடல்களின் வரிகளை உன்னிப்பாய்க் கேட்டு என் கனவுகளில் அவளுடன் டூயட் பாடினேன். பல காதல் காட்சிகளை ரசித்து நாயகன் நாயகியாக எங்களை நினைத்து மனதில் ஒத்திகை பார்த்துள்ளேன்.

பின் கல்லூரி வந்ததும் நாயகிகள் மாறினர். ஆனால் பாடல்களும் காட்சிகளும் மாறவில்லை. ஆனால் அவை  ‘கன்றுக் காதல்’ (அதாங்க Calf Love!) என்று பின்புதான் புரிந்தது. ‘ஊரார் பிள்ளையை ஊட்டி வளர்த்தால் தன் பிள்ளை தானே வளரும்’ என்று சொன்னவன் மட்டும் கையில் கிடைத்தால் அவனைக் கட்டிவைத்து ‘சுறா’ படத்தை பார்க்கவைக்க வேண்டும். அந்த அபத்தமான பழமொழியை நம்பிக்கொண்டு நண்பர்களின் காதலுக்கு தூது செல்வது, ஆலோசனை சொல்வது, பரிசுகள் தேர்ந்தெடுத்துக் கொடுப்பது போன்ற அரும்பணிகள் செய்தும் என் காதல் துளிர்க்கக்கூட இல்லை. காதல் வயப்படாமலே காதல் ஆலோசகன் ஆகியிருந்தேன். இப்படியே நான்கு காதலர் தினங்களும் தனியாகவே கழிந்தன. பிறகு கல்கத்தாவிற்கு முதன் முதலில் ஒரு காதலர் தினத்தின் முதல் நாள் வேலையில் சேர்ந்தேன். தென்னிந்தியப் பாரம்பரியப் பெண்களைத் தவிர்த்து என் கண்கள் மற்ற பெண்களின் மீது ஏனோ விழவில்லை. அப்படியே விழுந்தாலும் அவர்கள் மீது பதிய மறுத்தன.

எல்லாம் நன்மைக்கே! ஆர்க்குட், ஃபேஸ்பூக் போன்ற தளங்களில் Relationship Status – Single-ஆக இருப்பதன் அனுகூலங்கள் கிடைத்தன. என்னுடைய தோழியர் வட்டத்தைப் பார்த்து நான் Single-ஆக இருப்பதைப் பலர் நம்ப மறுத்தனர். கடலுக்கு fishing net, காதலுக்கு internet என்று வலையிலும் வலைவீசி என் காதல் தேவதையைத் தேடித் தேடி சலித்து விட்டது. இதற்கு காரணம் ரசனை என்னும் ஒரு புள்ளியில் இதயங்கள்  இணைய வேண்டும் என்று நினைக்கும் எதிர்பார்ப்புகளாக இருக்கலாம். இதுபோல் ஒரு பெண் எதிர்பார்த்தால் என்னைப் போன்றவர்கள் அம்பேல்! இப்போது என் பதின்ம வயது தொடங்கி பதினான்கு ஆண்டுகள் வனவாசம் போல் கழிந்துவிட்டது. காதல் வயப்படாமல் இருப்பதை விட காதலித்துத் தோற்பது சிறந்தது என்பது எவ்வளவு அனுபவப்பூர்வமான உண்மை.

வீட்டில் பெண் தேடும் படலம் வெகு ஜோராக நடந்து கொண்டிருக்கிறது. குறிப்பிடப்படவேண்டிய விஷயம் என்னவென்றால் காதல் திருமணத்திற்கு எங்கள் வீட்டில் எப்போதும் மறுப்பு இருந்ததில்லை. குறைந்த பட்சம் பெண்ணாக மட்டும் இருந்தாலே போதும் என்று என் விருப்பத்திற்கே விட்டுவிட்டனர். ‘இவனுக்கு பல்பு எரிந்து மணி அடிக்கும் வரையெல்லாம் என்னால் பொறுக்க முடியாது’ என்று தம்பியும் கூறிவிட்டான். அம்மாவின் வேகத்தைப் பார்த்தால் அடுத்த காதலர் தினத்துக்குள் என் பெயரை தன் வலப்பக்கம் சேர்த்துக்கொள்ள ஒருத்தி வந்துவிடுவாள் போலிருக்கிறது. ஆனால் என் நெஞ்சின் இடப்பக்கம் பழகாத ஒரு பெண்ணின் பெயரை சேர்ப்பேனா என்பது சந்தேகமே. ஒரு வண்ணத்துப்பூச்சியைத் துரத்திக்கொண்டே  போனால் அது நம் கையில் அகப்படாமல் நாம் வெறுத்துப் போய் திரும்பும்போது அது நம் தோளில் வந்து அமர்வதுபோல், நான் பல வருடங்களாகத் தேடிக்கொண்டிருக்கும் காதல் எனக்குக் கிடைக்காமல், இப்போது நான் சலிதுவிட்டபோது அது தானாக வந்தாலும் அதன் மீதுள்ள மோகம் தணிந்து விடாமல் இறுதி வரை தனி ஒரு அன்றில் போலவே இருந்து காதலை மட்டும் காதலித்துக் கொண்டிருக்க ஆசை (அப்பாடா டைட்டில கொண்டுவந்தாச்சு ;-))

ஆனால் இப்போது ஒவ்வொரு முறையும் விண்ணைத்தாண்டி வருவாயா பார்க்கப் பார்க்க நம்மையும் ஒரு காதல் போட்டுத் தாக்காதா என்று ஏங்க வைக்கிறது !

HAPPY VALENTINE’S DAY !!! 🙂

ரசனை என்னும் ஒரு புள்ளியில் இதயங்கள்  இணைய வேண்டும் என்று நினைக்கும்
 
7 Comments

Posted by on February 14, 2011 in Chummaa

 

7 responses to “தனி ஒரு அன்றில்

  1. Madhan

    February 14, 2011 at 6:39 pm

    Vida muyarchi.. Vishwaroopa vetri.. All the best.. 🙂

     
  2. Arunram Subbiah

    February 14, 2011 at 11:09 pm

    Outstanding.. A Fantastic Write Up.. Brilliant Title and nice justification to it.. The way you have delivered your experiences all through these years is fabulous. I really admire the way you see the whole thing in a humorous way and ended up with a heartfelt note.. Beautiful. I would say, This is Your Best till date… 🙂

     
  3. Bala

    February 18, 2011 at 11:49 am

    “அம்மாவின் வேகத்தைப் பார்த்தால் அடுத்த காதலர் தினத்துக்குள் என் பெயரை தன் வலப்பக்கம் சேர்த்துக்கொள்ள ஒருத்தி வந்துவிடுவாள் போலிருக்கிறது. ஆனால் என் நெஞ்சின் இடப்பக்கம் பழகாத ஒரு பெண்ணின் பெயரை சேர்ப்பேனா என்பது சந்தேகமே” – அழகாக இருந்தது…

    நீ நிறைய புத்தகங்கள் படிப்பது உன் எழுத்துக்களில் தெரிகிறது…

    உன் மனம் ஏற்கும் அளவிற்கு ஒரு மணப்பெண் கூடிய சீக்கிரம் கிடைத்திட வாழ்த்துக்கள்…

     
  4. Srinivas

    February 20, 2011 at 12:46 am

    //வயலெட் & வெள்ளை சுடிதார் அணிந்து வந்த ஒரு சொர்க்கத்திடம் மனம் சென்றது//
    – Kaadhalukku Kannum illa, Colour um illa nu prove pannitta da thambi..! 🙂 🙂

     
  5. red sathya

    February 26, 2011 at 7:55 pm

    hi thambi, kalakure best of luck… un idhayathin edappakkam arinthaval viraivil un kankalukku katchialippal……

     
    • Kaarthik Arul

      February 26, 2011 at 8:50 pm

      Thank u Sathya 🙂

       
  6. பாலா

    April 30, 2011 at 8:40 am

    ஹஹஹா!! விடுங்க பாஸ் எவ்வளவோ பாத்துட்டோம்!

     

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: