RSS

இனிய புத்தாண்டு வாழ்த்துகள்

31 Dec

அடுத்த ஆண்டில் அடியெடுத்து வைக்கும் முன் கடந்த ஆண்டை நினைவுகூர எண்ணி இப்பதிவு.

பொதுவாக நாம் வருடத்தின் முதல் தினத்தில் எப்படி இருக்கிறோமோ அப்படித்தான் அந்த ஆண்டு முழுதும் இருப்போம் என்ற மூட நம்பிக்கையைத் தகர்த்தது இவ்வாண்டு. 2010-ன் ஆரம்பமே உடல் நிலை சரியில்லாமல் மந்தமாக தொடங்கியது. அலுவலகத்திற்கு மட்டம் போட மட்டும் பொய்க்காய்ச்சல் வரும். ஆனால் 2009  இறுதியில் நிஜமான குளிர் காய்ச்சல் வந்து டிசம்பர் 31 இரவு ஏற்காடு எக்ஸ்ப்ரஸில் ஈரோடு நோக்கிப் பயணித்துக் கொண்டிருந்தேன். அதனால் 12 மணிக்கு SMS-ல் மட்டும் நண்பர்களுக்கு புத்தாண்டு வாழ்த்துகளை அனுப்பிக் கொண்டிருந்தேன். ஆனால் எல்லாவற்றையும் மீறி 2010 எனக்கு ஓர் ஆரோக்கியமான ஆண்டாக இருந்தது. Personal வாழ்க்கையிலும் Professional வாழ்க்கையிலும் நிறைய நல்ல மாற்றங்கள்.

2009-ல் அதீதமாக பணியிலிருந்த பளு 2010ல் பனிபோல் கரைந்தது. பெரிதாக ஒன்றும் இல்லையென்றாலும் தேவைக்கேற்ற சம்பள உயர்வு, பதவி உயர்வு, என் அலுவலகத்திலும் Client  அலுவலகத்திலும் நல்ல பெயர் என்று ப்ரோஃபஷனலாக நல்ல மாற்றங்கள் என்றால் அம்மாவின் பணி மாற்றம், சென்னையில் செட்டில் ஆகிக்கொண்டிருப்பது, ஊரிலுள்ள வீட்டைப் புதுப்பித்தது என்று சொந்த வாழ்க்கையிலும் பல நல்ல மாற்றங்கள். விட்டுப்போன சில உறவுகளையும் புதுப்பித்துக் கொண்டேன்.

நட்பு வட்டம் விரிந்து நிறைய நண்பர்கள், அதுவும் என் எண்ண அலைவரிசைகளுடன் ஒத்துப் போகும் நண்பர்கள் (Like-minded Friends) கிடைத்துள்ளனர். வாரம் ஒரு படமாவது பார்த்துவிட்டிருந்தேன். கல்லூரியை bunk செய்து  சினிமாவுக்குச் சென்றதுபோல் அலுவலகத்திற்கு மட்டம் போட்டு முதல் நாள் முதல் ஷோ பார்த்தது, (விண்ணைத்தாண்டி வருவாயா நூறாவது நாள் ஷோ பார்த்தது டூ மச் என்ற நண்பர்கள், முதல் நாளே தமிழிலும் ஹிந்தியிலும் ராவணன்/ராவண் பார்த்தது ட்வென்டி மச் என்றார்கள்). சனிக்கிழமையானால் அம்மாவே ‘இன்னைக்கு எந்த படம்?’ என்று கேட்பார். சனி இரவு வீட்டில் இருந்தால் பாட்டிகூட ஆச்சரியமாக பார்ப்பார். அந்த அளவுக்கு என் சினிமா பைத்தியத்துக்குத் தீனி போட்ட வருடம். சென்ற மூன்று வருடங்களில் நான் அதிகமாக பார்த்துக் கொண்டிருந்த ஹிந்தி படங்களின் எண்ணிக்கை கணிசமாகக் குறைந்து விட்டதில் சிறு வருத்தமே.
பல வருடங்களாக விடுபட்டுப் போன புத்தக வாசிப்பு என் பாட்டியின் காரணமாக மீண்டும் கிடைத்தது அவருக்காக நான் விரும்பும் புத்தகங்கள் வாங்க ஆரம்பித்து என்னளவில் ஒரு குட்டி நூலகத்தை உருவாக்கிக் கொண்டிருக்கிறேன். (வாங்கிய சில நூல்களை இன்னும் படிக்கவில்லை என்பது வேறு விஷயம்) சுஜாதாவைத் தாண்டியும் மற்ற எழுத்தாளர்களையும் தேடித் பிடித்து படிக்க ஆரம்பித்திருக்கிறேன். இதற்குப் பெரிதும் உறுதுணையாய் இருப்பது இணையம். மூலம் பல இணைய நண்பர்களின் ஆரோக்கியமான நட்பு  கிடைத்துள்ளது. ட்விட்டரில் சென்ற வருடமே கணக்கைத் துவங்கியிருந்தாலும் இந்த ஆண்டுதான் அதிகமாக அதில் இயங்கியுள்ளேன். சென்ற வருடம் சீந்தப்படாமல் இருந்த ஃபேஸ்பூக் நான்கு ஆண்டுகள் என் சுவாசமாக இருந்த ஆர்க்குட்டை மறக்கச் செய்துவிட்டது. தமிழில் என்னை பதிவெழுதத் தூண்டிய சில பதிவர்களுக்கு என்றும் கடமைப்பட்டவனாவேன்.
முறையாக சங்கீதம் கற்றுக் கொள்ள வேண்டும் என்ற பல வருடக் கனவையும் நிறைவேற்றிக் கொண்டேன். கிட்டார் வாசிக்கும் ஆசியில் கிட்டார் வாங்கி விரல்களில் ஏற்படும் வலி பொறுக்காமல் கைவிட்டுவிட்டேன். பாடினால் மற்றவர்களுக்குத்தானே காது வலி ஏற்படும் ;-) அர்த்த ஜாமத்தில் பாடி, பதிவு செய்த கோப்புகளை நண்பர்களுக்கு அனுப்பி அவர்களைக் கேட்க வைத்து இம்சித்தேன். கேட்ட அனைவருக்கும் என் மன்னிப்பு கலந்த நன்றிகள்.
முத்தாய்ப்பாக இவ்வாண்டை நிறைவு செய்தது டிசம்பர் மாதம். அதற்குத் தனிப் பதிவே எழுதலாம். சங்கீதக் கச்சேரி, சர்வதேச திரைப்பட விழா, நூல் வெளியீட்டு விழா என்று களை கட்டியது. என் வாழ்க்கையில் செய்யவே மாட்டேன் என்று தீர்மானமாக நம்பிக் கொண்டிருந்த Trekking நண்பர்களின் அன்புத் தொல்லையால் நிறைவேறியது. நிறைய இன்பச் செலவுகள் செய்தது மனநிறைவைத் தந்தது. என் அபிமான இணைய நண்பர்களுடன் நட்பு வலுப்பெற்றது. ஆறு மாதமாக மைசூரில் Training-ல் இருந்த என் தங்கைக்கு சென்னையில் posting கிடைத்து நேற்று முன்தினம் வந்து சேர்ந்தாள்.
காதல் வாழ்க்கை மட்டும் வழக்கம்போல் இருந்தது. Single-ஆக இன்னொரு வருடம் கழிந்தது. Numerology-ல் எனக்குக் கொஞ்சம் நம்பிக்கை உண்டு. என் ராசி என் 1 என்பதால் 1, 10, 19, 28 வயது நடக்கையில் என் வாழ்க்கையில் நல்ல மாற்றங்கள் இருக்கும். 1வது வயது எனக்கு நினைவில்லை, 10-வது வயதில் பள்ளி, இருப்பிடம், நண்பர்கள் என மாற்றங்கள், 19-வது வயதில் கல்லூரியில் இரண்டாம் ஆண்டு என் பொற்காலம் என்றே கூறலாம். இப்போது 28-வது வயதிலும் நினைத்தது போல் இனிய மாற்றங்கள் நடந்தது இன்னும் ஆறு மாதங்களில் காதல் வாய்க்கிறதா என்று பார்ப்போம். இந்த ஆண்டைப் போலவே அடுத்த ஆண்டும் இனிதாக அமைய வேண்டுகிறேன்.
அனைவருக்கும் இனிய புத்தாண்டு வாழ்த்துகள்🙂
 
4 Comments

Posted by on December 31, 2010 in Celebrations, Chummaa, Memories n Memoirs

 

4 responses to “இனிய புத்தாண்டு வாழ்த்துகள்

  1. Mahesh

    January 1, 2011 at 4:38 pm

    You had a great going in 2010.Only worry still you are single😦 Just Watched “Kalavaani” in Vijay Tv.I really wish you should get a innocent-cum-beautiful village gal like Magesh🙂

     
    • Kaarthik Arul

      January 2, 2011 at 12:38 am

      @Mahesh, U mean I’m a Kalavaani? Anyways thanks a lot🙂

       
  2. Rachana

    January 1, 2011 at 11:55 pm

    Its ur choice to be single, wat will 2010 do for that?????!!!!!!!! btw, there are other important things in 2010 that u haven’t mentioned😉 wat happened to your fan club members?😉

     
    • Kaarthik Arul

      January 2, 2011 at 12:39 am

      @Rachana I’m not getting you. Fan Club Members??😉

       

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: